نورالدين بازين
كما وعدت جريدة كلامكم بأن تنشر رد النائب الأول لرئيس مجلس مقاطعة جليز مراكش البامي سعيد آيت المحجوب، على رئيس المقاطعة الايريني عمر السالكي الذي خرج بتسجيل صوتي شن فيه هجوما عنيفا ضد نائبه الأول، ووصفه ب ” الكذاب” وأن تصريحاته كذب وبهتان ولا أساس لها من الصحة..
فضح آيت المحجوب في تسجيله الصوتي رئيس المقاطعة عمر السالكي، بالقول” أنت من قلت لي قبل شهرين بأن ما كتب عليك في الصحافة بأن سببه عضويين من حزب التجمع الوطني للأحرار هما من وراء ذلك.. وقلت لك خليهم اكتبو حتى لصباح..ماحد الناس معايا وما حد أنا قضيت ست سنوات في المجلس واشتغلت وجريت مع المواطنين، إضافة أنني نجحت في الانتخابات ب1800 صوت وتجي وتقول لي غاذي غسل نشيرك، كون عندي شي نشير كاع ما نجح .. اكون حزبي ما جدد في الثقة..”
وأكد آيت المحجوب في التسجيل الصوتي تتوفر كلامكم عليه:” أنا رميت تسجيلي في الكروب، لأن هذاك لي قلت لي راه تيكتب عليك في الصحافة هو لقيتك معاه في المكتب برفقة مروان ونائبة المحترمة.. انتم بأربعة وربعة نواب آخرين ما كاينينش منهم أنا.. أنا جيت معطل لأني عندي التزام ..وانا دائما في المقاطعة ولم تقل لي ان هناك اجتماع ..”
وأضاف آيت المحجوب:” أنا تكلمت معك من قلبي وقلت ليك هاكيفاش وها كيفاش.. ماشي باش نوريك .. انا تنوريك لأني كنت في التسيير في المجلس السابق وبحكم اني قريب من الناس وبحكم أني متواجد دائما .. ما باغي نوريك باش تتعطيني شي حاجة..راك ما عندك ما تعطيني وانا ما عمرني قلت ليك عطيني اكون قلت ليك عطيني كن فضحتني ..”
وزاد نائب رئيس مجلس المقاطعة في رده على السالكي:” راك تتعادو أي حاجة.. وتعاود لهذا ولهذا وهدرت هذا تاديها لهذا وهاذ شي كلشي عارفينو وبالاجماع.. والدليل ان الناس في مراكش عارفني وعارفينك.. انت ولاد حزبك في الأحرار تيقولها .. والكتابة المحلية ديال حزبك كلهم تيجيوه عندي انا نقضي ليهم اغراضهم وانت ما تتجاوبهم حتى في تلفون..يالله واحد شوية وليتي تطلق، وأنت عام والنص كاع ما كنت، احنا درنا تصريح صحفي هاهو في صالح المقاطعة وبديت تتجي .. مزيان نفيقك، منين فيقتك بين وبينك وما بغيتش وكانت معانا رئيسة القسم الاقتصادي وقلت لي فعلا السعيد كلامك معقول وهدرت معاك من قلبي ونجي من ورا هاذاك الكلام ونلقى اجتماع تايدار وانا ما في راسيش وانا من الناس لي كانو تينصروك.. كلهم هاذوك لي تيصفقو ليك دابة ما كانو باغيينك تكون رئيس الا البعض..والله واحد ما بغاك تكون رئيس..”
وأكد آيت المحجوب في التسجيل الصوتي:” اليوم اكتشفت فيك النفاق.. وحتى دابة راك ما داير لي والو..انا قهرني غير النفاق ديالك، ولو كنت تتخاصم معايا وما تنافقنيش وتكون صريح غادي تعبجبني ..كن غير بطل انا بغيتك تكون غير بطل وتكون كبابل ونزيدو بالمقاطعة لقدام .. وانت عامين وتتخاصمني مع مروان كلشي تتمسحو في مروان ومروان غير انسان درويش ..”
ويضيف آيت المحجوب:” هذا كلشي في صالح المقاطعة،شحال من حاجة غابرة هاهي بانت..أما ناحية الصبر والتحالف اكون ما تحلفات والله هاذشي حتى نوقفوه بالله .. إما نمشيوه فحالنا و إما تقاد.. وهاذ شي بشهادة الجميع وراه كلشي عندو نفس لكلام عليك من المسؤولين إلى هاذاك الانسان لي تيشطب .. اكون باغي نخربق أنا ياك الدفتر ديالي عند واحد ديالك .. انا تنعطي التراخيص وتعاون غير الناس وانا تنشط فاش تنلقى شي حاجة مكتوبة علي.. أنا عطيت 500 رخصة ة 400 ..أما حسن اقولو عطيت 500 رخصة او اقولو ماتيعطيش .. تتقول لي نشيرك.. انا بايع لبلاد ولا بايع المدينة..”.
وأكد آيت المحجوب :” انا اساس كل ذلك هو النفاق الذي يمارسه الرئيس .. تتنافق الاحرار تتنافق البام تتنافق جميع الاحزاب .. راك ما غاديش تبقى طلع بنا اما نكونو اما ما نكونوش ورينا اش تزادت في الداوديات اشنو تزادت في بلقشالي.. انت تتخدم بوحدك انت الان فضحت راسك.. وراه بغيت نقول شي حاجة ولكن والله ماقديت .. وراه كاينة شي حاجة الى قلتها والله حتى تهرب من المدينة..”
