فاجعة الراشيدية.. أحد الناجيين يسرد أحداث فاجعة هذا الصباح. .

فاجعة الراشيدية.. أحد الناجيين يسرد أحداث فاجعة هذا الصباح. .

- ‎فيآخر ساعة
143
6

كلامكم

 

من أمام أعيني، الواد جر معاه هاد الكار من فوق القنطرة من قرب البراج(بالضبط قرب cite des cadres)

نعاودليكوم القصة،

أنا كنت راجع من الرباط—>الراشيدية مع 21:15 فكار CTM، قلعنا الحمد لله سلامات مشينا مشينا مشينا حتى خرجنا من الريش تقريبا كانت الساعة 5:15 صباحا

من بعد بدات الشتا كاطيح بطريقة مرعبة و مجهدة ، ناض فينا حنا الفزع فالكار Surtout منين بقينا كانلقاو أي قنطرة دزنا عليها عامرة بالواد و الطين والحجر، حتى وصلنا لآخر قنطرة لقيناها عامرة كتر من القنطرات اللي دوزنا، وقف السائق و بدا كايشوف ويفكر،واش إدوز ولالا واش إدوز ولالا

شاف فالجنب ليمني ديالو لقا الما كايهود من فوق الجبل و معاه الحجر و نفس الشيء فليسر ديالو و قرر فآخر لحظة يدوز، مهم كسيرا بشوية حتى لوسط القنطرة ،منين وصل لوسط جهاد الواد و طلع لحتى غطا الضواو القداميين ديال الكار و طفاااو، صافي حنا فهاديك اللقطة تهزينا شوية و هوما يعاودو يشعلوو و كسيرا شيفور و دزنا الحمد لله، من بعد مشينا واحد 15 دقيقة بان لينا هاد الكار ضوبل جوج كاميونات ديال “حليب الريش” ، قالوليه شيفورات وقف راه الواد حامل فالقنطرة اللي قدامك، ما جا حتى يستوعب فيراه حتى لقا راسو الشيفور ديال هاد الكار وسط القنطرة،الكار حصل وسط الطين وخ الشيفور عيا مايدير مارشاريير مابغاش يرجع الكار شوية و هو يده الواد بطريقة وحشية

تقريبا جروا الواد لمسافة 400 متر و تخمج و……

و كان قريب شوية لباراج، أما يكون مشا لأعماق ديالوا

مهم شفت بعينيا جثتين، كريسون ولا شيفور إمكن واحد فيهوم بقا حي، و الكار كان هاز معاه 51 واحد جاي من الدار البيضاء لريصاني. و 100% عدد الموتى غايكون فارتفاع .

Facebook Comments

يمكنك ايضا ان تقرأ

واش فراس الوالي شوراق.. مقهى تبتلع الملك العام بسويقة باب دكالة و السلطات فدار غفلون

لا حديث بين سكان باب دكالة و زوارها،