البرلماني المهاجري: لي باغي الخير للبلاد إطلق من العثماني و المصلحة العامة فوق الايديولوجيات و نحمدوا الله على نعمة الملكية

0 275

 هشام المهاجري / برلماني عن إقليم شيشاوة.. رئيس لجنة الداخلية والجماعات الترابية والسكنى وسياسة المدينة

لي باغي الخير للبلاد إطلق من العثماني وحتى البيجيدي ، عندنا بزاف ديال الحوايج باش نشدوا فبعضنا ونختالفوا سياسيا وإيديولوجيا ، أما مساهمته من موقعه الدستوري كرئيس لحكومتنا فهو موقفنا جميعا . و نجيكم من الاخر السياسة كتحنت وكيفما كنقول لي قال العصيدة باردة يزيد . والحمدلله جلالة الملك خرجنا من موقف الكركرات رافعين روسنا، بالعكس زدنا مكاسب دبلوماسية ومزال إقتصادية فالمستقبل . بالطبع احنا كأحزاب عندنا مرجعيات ومتوافقين على ما يجمعنا ولكن تدبير الدولة أكبر من كلشي . وهنا غادي نسول بعض السياسيين خصوصا القدام
1-شكون وزير الخارجية لي كان وقت الاعتراف بموريتانيا ؟اليس من الحزب لي ديما كيقول ان المغرب يمتد لنهر السينغال
2- شكون الوزير الاول لي دار أكبر عملية خوصصة فالمغرب ؟ ماشي الحزب لتبنى على الاشتراكية ومبادئها المعروفة عالميا
3- من ينزل اليوم تطوير العلاقات مع إسرائيل ؟ اليس الحزب ذو المرجعية الاسلامية
خلاصة القول الدولة والمصلحة العامة فوق الاحزاب والايديولوجيات و نحمدوا الله ونشكروه على نعمة الملكية.
وبيناتنا تكلموا لينا على 21 يوم ديال الحجر والسدان ديال المطاعم ، ونسولوه اش غادي يدير مع مواليها ، فين وصل الفاكسان ديال كورونا ، اشمن خبار على الفيروس الجديد؟ هنا انا معاكم اما نشدوا فيه على مصلحة البلاد سمحوا لي قولوا الله يكون فعوانهم وباركا علينا عديان الخارج و يارب ينصرنا عليهم وإحفظ هذا البلاد

اترك رد

لن يتم نشر عنوان بريدك الإلكتروني.